Nan yon kout nòt ki pote siyati kòdonatè jeneral sektè popilè ayisyen  an, René Momplaisir yo kondane dènye zak kriminèl kite fè nan enpas Eddy nan kafou fèy nan lannwit mèkredi 24 avril pase a kite fè plis pase 7 moun pèdi lavi yo e plis ke 10 moun te blese selon bilan yo. Nan nòt sa a, estrikti ki mete ansanm plizyè pati politik ak òganizasyon moun sa a mande pou responsab dwa moun yo nan peyi a pote sipò yo bay moun kafou fèy ak lasalin yo ki pa janm sispann viktim zak kriminèl sa yo.

<<Sektè popilè ayisyen an denonse zak malonèt ki te fèt sou popilasyon Kafou Fèy la nan enpas eddy nan lannwit 24 Avril 2019 la. Nan sans sa a Sektè a mande la polis ak la jistis pou pran responsabilite yo. Nou mande sipò òganizasyon kap defann dwa moun yo pou yo pote kole ak popilasyon Lasalin e Kafou Fèy ki pa sispann sibi zak bandi ak zam. Nan yon peyi Leta gen pou devwa asire sekirite nasyonal ak sekirite piblik,Se pou tèt sa nap mande kisa Konsèy siperyè polis nasyonal la ap regle? Kisal deside fè pou fini ak banditis sa yo?
Nou tout vle yon Ayiti nan lapè,Ki gen sekirite e ki pa nan tranzit. Kote tout Ayisyen ka mache lib e libè pou al regle zafè yo san kè sote. Se pou tout Ayisyen viv tankou moun. Nan sekirite fizik ak alimantè kòm sa dwa. Viv Ayiti, viv Sektè popilè.

René Momplaisir kòdonatè general Sektè popilè ayisyen.m>>

Publicités

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.