Publicités
La Redaction 27 décembre 2017

 

WASHINGTON, DC —

Lèzetazini pran desizyon pou l enpoze sanksyon sou 2 gwo otorite nan rejim Kore di Nò a pou wòl yo ta jwe nan pwogram misil balistik Pyongyang nan. Depatmam Trezò ameriken an pibliye yon kominike pou di: “Kim Jong Sik ak Ri Pyoing Chòl se 2 lidè enpòtan nan pwogram zam ilegal nò-koreyen an.”

Depatman Trezò a sible pwogram misil balistik Pyiongyang nan nan kad kanpay Washington ap mennen pou mete pi gwo presyon posib la sou rejim Kim Jong un ap dirije nan pwyi azyatik la epi izole li, yon fason pou fasilite pwosesis denikleyarizasyon total preskil la.

 

Vandredi 22 desanm pase a, tout manm Konsèy Sekirite Nasyon-Zini an san wete youn te apwouve yon rezolisyon pou limite kantite gazolin ak dizèl Kore di Nò kapab enpòte. An menm tan tou l’ONU ranfòse enspeksyon sou bato komèsyal k ap antre oubyen sòti nan Kore di Nò si yo sispèk bato sa yo ap transpòte machandiz ki entèdi.

Publicités

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

%d blogueurs aiment cette page :
Aller à la barre d’outils