Publicités

 

Dimanch 27 me 2018.- Se anba tèm «ONÈ RESPÈ POU TOUT MANMAN YO » Majistra prensipal komin Taba a, Madam Nice SIMON ki te gen ak li 2 majistra adjwen yo, mesye Philippe DESLIEN ak mesye Jean Voltaire BASTIEN, distribye kado ak bon dacha bay plizyè santèn manman pitit nan komin lan jodi dimanch 27 me a. Atravè aktivite sa a ki dewoule nan lokal Meri Taba a, nan okazyon fèt manman yo, administrasyon kominal la vle montre enpòtans manman nan fanmi yo ak nan sosyete a an jeneral.

Fanm kap travay nan divès sèvis nan meri a, machann kap mennen aktivite yo nan 3 mache ki nan komin lan ak manman pitit ki soti nan kèk legliz te resevwa kado ak bon dacha nan okazyon an. Majistra Nice SIMON salye kalite jefò fanm yo ap fè nan peyi a ak gwo kontribisyon yo pote nan ekonomi komin lan pandan l ankouraje yo kontinye edike timoun yo pou peyi a ka gen yon demen miyò.

Premye sitwayèn Taba a, te pwofite anonse aktivite li swete òganize pou timoun yo nan dat 10 jen kap vini an kap make jounen mondyal timoun yo. Li anonse tou meri a pral distribye televizyon ki sèvi ak enèji solè nan kèk katye pou pèmèt tout popilasyon Tabawaz la swiv koup di mond lan epi enstalasyon yon gran ekran Majistra Nice Simon renouvle volonte administrasyon kominal la pou kontinye akonpanye popilasyon Tabawaz la.

Nap raple aktivite fèt manman yo te dewoule nan yon gwo anbyans fèt kote gwoup mizikal « Champagne » te anime tout moman pou te pèmèt manman yo te byen amize yo.

Publicités

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.