Aller à la barre d’outils

Leta peyi Dayiti ak leta peyi Chili jwenn yon antant pou moun ki te enskri nan pwogram regilarizasyon viza rezidans tanporè a.

Nan yon nòt ki soti lendi 03 sektanm pase a, Anbasad peyi Dayiti nan Chili anonse ak tout moun ki te enskri nan pwogram regilarizasyon an gen yon nouvèl mezi ki jwenn ant leta 2 peyi yo sou zafè Viza rezidans tanporè a.

Anbasad la di, nan kad dyalòg yo fè se Lapolis peyi Dayiti kap gen pou remèt dirèkteman bay Lapolis peyi Chili, Sètifika Antecedentes Penales la pou tout moun ki te enskri ak depoze dosye nan Anbasad la. Konsa, Anbasad la di se depatman Extranjeria ak Migrasyon nan peyi Chili kap rele chak moun pou vin chache Viza rezidans tanporè a. Ki donk depatman Extranjeria ak Migrasyon ap genyen sètifika Antecedentes Penales chak moun.

Anbasad la raple dispozisyon sa yo pran nan lide pou premyeman, diminye nan tan ki dispoze pou trete dosye yo ki anpil, dezyèmman, pou pèmèt tout moun ki enskri nan pwogram nan jwenn Viza rezidans tanporè a rapid epitou se yon fason pou yo pa bezwen pase nan Anbasad la pou vin chache sètifika Antecedentes Penales la.

Pou fini, Anbasad la fè konnen nouvèl mezi sa se pa anbasad peyi Dayiti nan Chili ki pranl men pito se yon mezi ki pran ant leta 2 peyi yo.

Francky Belfort

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

%d blogueurs aiment cette page :