Jodi samdi 13 janvye 2018 la, an prezans plizyè jounalis nan vil Gonayiv sou plas dam nan, mèt Kersaint Berlins Belande chiri paj paspò ki gen viza 5 kan ameriken l la épi boulel,paske l santil vekse e endinye ak deklarasyon Prezidan ameriken an te fè sou peyi dayiti a. Nap fèw konnen ke viza tap gen poul ekspire jous 2 oktòb 2018 kap vini la !

Me Kersaint Berlins Belande se pwofesè ki anseye fransè nan alyans fransèz nan vil Gonayiv, fè konnen si deklarasyon Prezidan ameriken an Donald Trump te fè a,ta rive gen moun li pa bay pwoblèm men li menm li vrèman chokel el pa kwè janm sa Prezidan ameriken an dil ayiti ye a. Nan menm moman sa mèt Kersaint fè konnen fòk gen konsyans ki dwe pran e dirijan dwe konnen ke yo se yon nasyon menm jan ak lòt nasyon nan mond lan. Sou kesyon jounalis te pozel,li fè konnen kel pap janm mete pye nan peyi lèzetazini menm si yo fè apèl avèl pou yo ta bal Yon lot viza oubyen fèl nenpòt òf ki genyen nan mond lan jous li mouri rantre Anba tè.

Nap fèw konnen tout deklarasyon sa yo avèk viza 5 kan ameriken ke met kersaint Berlins Belande boule a,rive fèt anba monimen Jan Jak Desalin nan sou plas dam nan nan vil Gonayiv. Si nan 28 tyèm lejisti a nan lane 1928 sete dépité gonayiv la Raymond Vilaire Cabbech, konnya se Yon lòt pitit gonayiv nan lane 2018 la,pandanw dwe konnen se toujou menm nasyon sa yo ankò menm lè se pa menm epòk ni pou menm koz,men se espri patriyotik ak yon fyète kòm pèp ki fè yon rive angaje tèt yo.

Si mèt kersaint Berlins Belande trouvel vrèman endinye e vekse rive make listwa kòm Jan Raymond Vilaire Cacbbeche te fèl la, konnya li enpòtan pou leta ansyen ta rive frennen tout dezòd ke lòt ayisyen parèy nou yo ap fè yo, e menm pran yon desizyon ak ansyen Prezidan peyi a Michel Joseph Marthely nan tout pwogram lap mache manke moun dega san rete.

Yon lòt Ayiti posib,men se nan respè yonn pou lòt e amou patriyotik !

Robenson SUFFRARD
suffrardr@gmail.com

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. Apprenez comment les données de vos commentaires sont utilisées.