Kou Siperyè Pouvwa Jidisyè a (CSJP) pwoteste  kont deklarasyon prezidan Jovenel Moise fè nan vil Pari , nan peyi Lafrans, sou nominasyon 50 jij nan sistèm jistis la. Daprè Prezidan an, pèsonalite ki benefisye pwomosyon sa yo “ta mele nan zak koripsyon , men li te oblije nonmen yo sou presyon li di yo tap ba li .” Nan yon konferans pou laprès ke CSPJ te bay nan biwo l maten vandredi 15 desanm nan, Mèt Max Elibert, reprezantan Kou Dapèl nan CSPJ ,  demanti ak tout fos li Prezidan Moise ki fè konnen li te resevwa presyon .

Yon lòt kote, dirijan Inisyativ Sosyete Sivil la, Pwofesè Rhosny Desroches, mande ministè finans la fè Konsèy Siperyè Pouvwa Jidisyè a jwenn mwayen ki nesesè pou l byen jwe wòl li. Misye Desroches di si Prezidan Jovenel Moise ap konbat koripsyon tout bon, li lè pou l kite lapawòl epi pase nan aksyon. Deklarasyon prezidan Jovenel la kreye yon gwo konfli ant 2 pouvwa sila yo. Antouka son dosye presslakay ap swiv deprè.

 

Publicités

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.