Ansyen konseye sekirite nasyonal Prezidan Donald Trump la, an palan de jeneral Michael Flynn, plede koupab jodi vandredi premye desanm 2017 la deske li bay anketè Biwo Evestigasyon Federal (FBI) manti konsènan kontak l li te pran ak anbasadè Larisi a isit Ozetazuni.

 

Minis afè Etranjè ris la, Sergei Ryabkov, agoch ak Anbasadè ris Ozetazini an Sergey Kislyak, adwat, pandan yo ta pral nan Depatman Deta nan Washington, 17 jiyè 2017, pou yon chita pale ak Sousekretè Deta Thomas Shannon.

Pledwaye kilpabilite bò kote jeneral Flynn la, se yon siy ki montre lap ko-opere ak envestigasyon komisè espesyal Robert Mueller a ki limenm , ap mennen yon ankèt sou enjerans Larisi nan eleksyon 2016 la.

Komisyè Mueller ap chache konnen si manm ekip kanpay Prezidan Trump la pat enplike nan aktivite pote-ale pote-vini ak gwo otorite ris yo. Yon dokiman tribinal pibliye jodi vandredi a montre konvèsasyon Jeneral Flynn ak Anbasadè riss Kysiak te baze sou sanksyon gouvènman Prezidan Barack Obama a te enpoze sou Moskou.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. Apprenez comment les données de vos commentaires sont utilisées.